عمان1:تصدر "لحاف منهل الرصيفة"، حديث الأردنيين، عبر مواقع التواصل الاجتماعي، على نحو لم يخلو من السخرية والتهكم، فيما أعاد العديد من المعلقين ربطه بقصة "شرشف الحجة" التي سيطرت على حديث الأردنيين لأيام قبل أشهر.
وقال رئيس بلدية الرصيفة اسامة حيمور، على إثر تعرض مناطق عدة في الرصيفة لارتفاع منسوب المياه فيها، إن إلقاء البعض الأوساخ داخل مناهل التصريف تسببت بذلك، وتم العثور على "لحاف – غطاء نوم" داخل أحد المصارف.
وبحسب حيمور، لم يمض على تنظيف جميع المناهل سوى 24 ساعة من قبل كوادر البلدية، فيما لم يعلم من أين سقط "اللحاف بالمصرف" وإن كان الأمر متعمدًا أم لا.
وفور نشر الخبر عبر وسائل التواصل الاجتماعي ، تحول "لحاف الرصيفة" لحديث الشارع الأردني، وتداوله الناشطون ساخرين من الحادثة وبشكل لم يخلو من الطرافة.

وتاليًا أبرز ردود الأفعال والتعليقات التي تداولها الأردنيون:

وحيد شاهر الطراونه شراشف ما بتستحي ... طز على البنيه التحتيه اللي بسكرها شرشف .... بسكر منهل في الرصيفه طيب وباقي مناطق المملكه اللي غرقت شو السبب بجوز المخدات

Amani Emad Shwekeh اه والله غريب جدا...بجوز في حدا ما اله بيت ينام فيه..راح اخد لحافه ونزل عالمصرف عشان يلاقي مكان آمن اله..غرق وغرّق البلد معه ..اكيد اكيد الحق عليه...حسبي الله بس ..بكفي استخفاف بعقول البشر

Ahmad Odeh معلش اسفين مدير منطقه الرصيفه يعني بتعرف خدماتك بالرصيفه مفضله عراسنا و غلطنا معك بموضوع الشرشف... يزم خلص الرصيفه من ريحه المجاري انت بالاول بعدين اطلع اعتب على شرشف 

Olaa Alqariab اصلا بس غرقت وسط البلد طلع مدير بلديه الزرقا حكى انو الزرقا ما غرقت لانو عمل تنظيف للمناهل قبل المنخفض اجا شرشف سكر وغرق كل المدينه بتستخفو بعقول الناس فعلا انو انحطاط والوضع كل مالو بالهاويه

Samr Joudeh على كل حال فعلا المواطن مثل الحكومه لا يهتم بشي انظروا باب البيوت في الزرقاء والله انها مزبله وفي كل الامكنه يعني الزبال لازم يدخل لكل باب وينظف انهم لا ينظفون يرحم عندما كنا ننظف باب البيوت ونزرعها فعلا ازمه اخلاقيه عندنا كلنا

Abood Maali بما انو في لحاف معناها عادي تلاقي كل غرفة النوم جوا .. الناس بترمي كل اشي و بعدها بستغربو ليش هالانابيب بتخرب و بتسكر انتو الغلط الاساسي

Eman ALathamneh هههههههههه اقسم بالله انو الوضع مسخرررره بقلك الحاف سبب رئيسي بغرق رصيفه يعني مش البنيه التحتيه الي متل الزفت

مؤيد أحمد المومني عطوفتك
الحاف مفرد ولا مجوز
اتفقد المنهل مزبوط رح تلاقي عيله اردنيه نايمه هناك
شكرا معاليكوا وعطوفتكوا رجع الحاف مكانه لا يبرد المواطن ويقولوا برد اردني في عهدكوا